Agawid a naggapu iti panagbirukna iti trabaho manipud Vigan City ti maysa a lalaki a nagmaneho iti motorsiklo idiay Barangay Labut Norte, Santa idi maaksidente ken puon ti nakatayanna.
Nabigbig ti natay a drayber a ni Joshua Manzano Cabanit, agtawen iti duapulo ket tallo, taga-Barangay Lungog, Narvacan, minanehona ti Honda Click a motorsiklo.
Iti pannaki-uman ti Bombo Radyo Vigan ken ni Police Captain Rovic Nelmida, agpatpatrolya dagiti kapulisan idi makitada ti drayber nga agpapa-abagatan a direksyon ken maysa laeng nga ima ti nakaiggem iti manibela.
Manarimaan nga isimsimpa ti drayber ti kapotena ta agar-arbis iti dayta a gundaway ket mapapati a naawanan iti balanse, ket saanna a nakontrol ti manibela ti luganna isu a naidungpar iti poste iti igid ti kalsada ken naitama ti ulona.
