Tumulong ti Archdiocese of Nueva Segovia iti magastos ti pannakaimasayag ti bangkay ti nakoriente a construction worker idiay Barangay I, Vigan City, Ilocos Sur.
Nabigbig ti biktima a ni Daniel Toquero Ramos, agtawen iti duapulo ket siam, taga-Barangay Calongbuyan, Candon City.
Iti pannaki-uman ti Bombo Radyo Vigan ken ni PLT. Amado Somera Jr., madama nga agub-ubra ti biktima iti tuktok ti isim para iti ar-aramidenda a parkingan ken bodega iti uneg ti compound ti Nueva Segovia.
Nakatugaw ti biktima nga agdri-drill machine, idin ta timmakder ket aksidente a naitama ti mugingna iti agbitbitin a waya a naikonektar iti asideg ti poste ti ISECO a nakakorienteanna.
Dagus a naipan ti biktima iti Metro Vigan Hospital ngem naideklarar a dead on arrival.
