Naduktalan a dagiti 2 nga Indian national a suspek a mapapati a nangitaray iti rinibo a kuarta manipud iti agassawa idiay Barangay Mantanas, Sta. Cruz, Ilocos Sur nga isuda manen ti suspek iti pananglimlimo manen a napasamak idi napan a tawen.
Dagiti biktima ket agassawa nga agpada nga agtawen iti limapulo ket tallo, agnaed iti nasao a lugar idinto a dagiti suspek ket agtawen iti tallopulo ket siam ken limapulo ket maysa, agnaed iti Caloocan City ken Tarlac City.
Iti pannaki-uman ti Bombo Radyo Vigan ken ni PMaj. Paul Vinsent Tadeo, Chief of Police ti Sta. Cruz Police Station, nakumpirmaranda a dagiti nasao a dua nga Indian national ket isuda met laeng ti suspek iti napasamak a pananglimlimo iti ili ti Tagudin.
Dayta ket babaen kadagiti mugshot a naipakita kadagiti biktima ket kinumpirmaranda met nga isu dagitoy dagiti napan kadakuada.
Maipalagip a dagiti suspek ket nagindadamagda no agilaklako dagiti biktima iti peanut product.
Idi naala dagiti suspek ti rikna dagiti biktima, nagsaludsodda no ania ti kita ti P500 ken nangipakitada pay iti bundles ti US dollar.
Immuneg ti babai a biktima a nangala iti P500 manipud iti kuartana a nasiglot iti lastiko nga adda iti bag-na, ngem nagbabawin ti lalaki a suspek a nangsurot kenkuana a saanna napuotan.
Nagpakada dagiti suspek ket limmuganda sa nagturongdan iti abagatan.
Naammuan met dagiti biktima manipud iti kaanakanda a dagiti nasao nga Indian ket scammer nga agdakdakiwas iti probinsia.
Dagus a kinita ti babai a biktima ti kuartana ket naduktalanna a P26,000 laengen ti nagbati manipud iti P68,500 ta ti P42,500 ket isu ti mapapatin nga innala dagiti suspek.
