Nadadael ti underground bunker ti napapatay nga Iran Supreme Leader Ayatollah Ali Khamenei kalpasan a binomba ti Israel Air Force kas maibasar iti nairuar ti footage iti Israeli Defense Forces (IDF).
Dayta ket makalawas manipod natay ti Iran Supreme Leader.
Segun ti Israeli military, nangitinnag dagiti limapulo a fighter jets iti sangagasut a bomba iti underground bunker nga adda iti leadership complex iti Iran iti kabisera iti Tehran.
Kinuna ti IDF, sakupna dayta iti multiple streets nga addaan iti adu nga entry points ken dagiti kuarto a mapapati nga inaramat ti senior Iranian officials para iti taripnong.
Mapapati a naidatag ti nasao nga underground bunker kas emergency asset tapno maidauluan ti riribok iti liderda a napapatay sakbay pay a naaramat.
