Umaboten iti uppat a gasut a pagtaengan iti naapektaran iti Ilocos Sur gapu ti Bagyo Uwan.
Iti pannaki-uman ti Bombo Radyo Vigan ken ni Gov. Jerry Singson, 387 iti partially damaged idinto a pito iti totally damaged.
Segun ken ni Gov. Singson, nu iti biang ti infrastructure projects ket awan unay iti naapektaran idinto nga adda dagiti nairekord iti biang iti agrikultura nangruna dagiti mannalon a nagmula iti mais ken high value crops.
Pagyamananna ta awan iti nadangran nga umili iti probinsia bayat iti panagduprak iti bagyo ta awan iti nairekord a casualty ta nagsagana dagiti frontliner ken uray dagiti umili.
Kabayatanna, gapu iti simmayaat a kasasaad iti panawen ket addan iti serrek dagiti government office ken adda iti klasen kadagiti pampubliko ken pribado a pagadalan depende laeng nu suspensoen dagiti local government unit.
