--Ads--
Impakaammo ti Philippine National Police (PNP) nga umabot iti sangaribo a tattao iti nakemmeg iti intero a pagilian gapu iti panaglabsing ti gun ban para iti eleksyon ita a tawen.
Iti kaudian a listaan ti National Election Monitoring Action Center, 971 violators iti nakemmeg pakairamanan ti walo a miembro ti Armed Forces of the Philippines ken lima a Police officers.
Impannakkel ni PNP Chief Gen. Rommel Marbil iti operasyonda kagiddan iti pannakikammayet ti publiko ken panagbalinda a naalibtak iti panagsalwad iti 2025 midterm elections ken ti inaugural Bangsamoro Autonomous Region in Muslim Mindanao elections.
Ti gun ban ket naipatungpal idi January 12 nga agpaut agingga June 11.
-- ADVERTISEMENT --
