Impakaammo ni Ukrainian President Volodymr Zelensky nga agturong isuna idiay White House tapno makisinnarak ken ni US President Donald Trump inton bigat, August 18, 2025.
Ti addang ket tapno mapagpatangan iti panagleppas ti ruinnupak idiay Ukraine.
Ti nakaituding a panagbisita ni Zelenkiy idiay White House ket kasaruno ti summit wenno one-on-one meeting iti nagbaetan da Trump ken Russian President Vladimir Putin idiay Anchorage, Alaska idi Biernes.
Numan pay napaay ni Trump a maka-secure iti tulagan ken ni Putin maipanggep ti rinnupak idiay Ukraine ket inkeddengda a tignayan ti kaaddaa ti peace agreement tapno maleppasen ti rinnupak iti Russia ken Ukraine ken saan laeng a ceasefire.
Maipalagip a nagbalin a kontrobersyal ti naudi a taripnong da Zelensky ken Trump iti Oval Office iti White House idiay Washington DC idi February 28 iti agdama a tawen kalpasan a nagresulta iti sinnungbat ti bilateral meeting iti dua a pagilian ken gappuanan ti pannakakanselar ti nakaituding koma a panagpirma ti rare earth mineral agreement ken ineskortan ni Zelensky a rumuar iti White House.
