VIGAN CITY – Nalmes ti maysa nga ubing a babai nga agtawen lima idiay Brgy. Tamorong, Sta. Catalina.
Basar ti report manipod Sta. Catalina Municipal Police Station, nakaawatda ti report inaig ti nasao a pasamak ket nagturongda iti nasao a barangay ket naammuan a napan nadigos ti biktima nga agnaed ti Brgy. Pussuac, Sto. Domingo kaddua ti kabsat na nga agtawen sangapulo ket tallo ken kasinsinna ti pang-ubbing a swimmingpool.
Saan a nasipotan dagiti nagannak ken kakabagyan ti biktima a napan nagdigos ti pangnanakman a swimmingpool.
Kabayatan nga aglanglangoy ni Sherly Ramolete nariknana nga adda iti nangsagid kenkuana iso a bimmatok ket nakitana iti bagi iti biktima.
Naipan idiay Metro Vigan Cooperative Hospital ti biktima ngem naideklara a dead on arrival.
