Maysa nga agtawen-iti-walo nga ubing a lalaki idiay Lap Lae District, Thailand ti nasarakan nga agbibiag nga agmaymaysa ken kaduana dagiti innem nga aso.
Maibasar iti imbestigasyon, saan a nakastrek iti pagadalan, ken agtaolen no makipatang, ta aso met laeng ti makadkaduana iti inaldaw.
Ti inana ti masansan a pumanaw ken agpalama idiay templo, idinto a ti kabsatna a lalaki ket mapapati a naigamer iti iligal a droga.
Mapapati a maar-aramat pay ti pagtaenganda kas drug den, isu nga yad-adayo dagiti karrubada dagiti anakda iti lugar ken awan ti ubing a makiayay-ayam iti biktima.
Gapu ta awan met ti makapulpulapolna a tao, nakasursuro a mangtulad iti tignay ti kaso, kas ti panagtaol a wagas iti pannakipatangna.
Dagus met a rinescue ti Paveena Hongsakup Foundation ket adda ita iti Uttaradit Children’s Home ta naipaayan iti edukasyon.
