VIGAN CITY – Indanunen ti provincial government ti Abra ken dagiti kakinnammayet da nga organisasyon ken grupo dagiti tulong para kadagiti naapektaran ti phreatic eruption ti Taal Volcano.
Dayta iti kinumpirmaran ni Abra Provincial Disaster Risk Reduction and Management Council head Elmer Bersamin iti pannaki-uman kenkuana ti Bombo Radyo Vigan.
Inlawlawag ni Bersamin a saan laeng a naggapu ti provincial government ti Abra dagiti napan da intulod a food ken non-food items nu di ket adda pay dagiti local government units a nangted.
Dagiti LGUs a nangted iti donasyon da para kadagiti evacuees idiay Batangas ket iti ili ti Daguioman, Pilar, Tineg, Bucay ken Lagayan idinto a ti ili ti Bangued ket personal nga indanun da met dagiti tulong da kadagiti biktima.
Segun ken ni Bersamin, ni Batangas Governor Hermilando Mandanas iti nangitedan da kadagiti donasyon da a food ken non-food items ta isudan iti maka-ammo a mangiwaras kadagiti agkasapulan unay.
