--Ads--
Indeklaran ni US President Donald Trump a nalpasen ti riribuk iti nagbaetan ti Israel ken Hamas kalpasan ti dua a tawen.
Inwaragawag daytoy ni Trump sakbay a naglugan iti Air Force One Aircraft ken timmayab a napan Israel para iti naituding a pannaka-wayawaya ti Hamas iti amin a hostage manipud Gaza mano laeng nga oras manipud iti agdama, kasukat iti ceasefire agreement.
Kas sukatna, wayawayaan met ti Israel dagiti 250 a preso a Palestino ken nasurok 700 a balud.
Kabayatanna, apagsangpet ni Trump idiay Israel, manamnama ti pannakisinnarakna ken ni Israeli Prime Minister Benjamin Netanyahu ken kadagiti pamilia dagiti hostage ti Hamas sakbay a simmango iti Israeli parliament idiay Jerusalem.
-- ADVERTISEMENT --
