Tricycle driver, nakemmeg kalpasan a maalaan ti mapapati a shabu iti naiwayat a buy bust operation iti ili ti Sta. Cruz

Nakemmeg ti maysa a tricycle driver kalpasan ti naiwayat a buy-bust operation idiay Barangay Turod, Sta. Cruz, Ilocos Sur.

Ti suspek ket agtawen iti uppat a pulo ket uppat, residente ti Barangay San Pedro, ti nadakamat nga ili.

Naala manipud ti suspek ti drug evidence a 1.1 grams ti mapapati a shabu nga aggatad ti P7, 480 a nakaikabil iti tallo nga small heat-sealed transparent plastic sachet.

Nakumpiskar pay dagiti non-drug evidence a pakairamanan ti belt bag, wallet, cellphone, lighter, tricycle, maysa genuine P1, 000 ken kuwarta nga aggatad ti P2, 122.

Ti inventory ken marking of evidences ket naimatangan dagiti mandatory witness ken ti suspek.