--Ads--
VIGAN CITY – Maysa a tricycle iti nauram kabayatan a nakaparking idiay Brgy. VIII, Vigan City.
Nabigbig iti akinkukua ti Euro 150 tricycle a ni Sherry Anne Calube agtawen dua pulo ket pito agnaed ti Brgy. Cabaruyan, San Quintin, Abara.
Basar ti report manipod ti Vigan City Police Station, nagrespondeda kaddua ti Vigan City Bureau of Fire Protection ta adda iti report inaig iti napasamak nga uram ket idi makasangpetda nadepdepen ti apoy.
Rimmuar iti imbestigasyonda a nakaparking ti tricycle ket kellaat a nauram iso a dagiti umili ket nagtitinnulong tapno madepdep ti apoy.
-- ADVERTISEMENT --
Pito pulo a ribo a pisos iti gatad ti tricycle a nauram ken iti agdama dukduktalen ti BFP Vigan no ania iti nagtaudan ti uram.
