VIGAN CITY – Agtataripnong inton ala una ti malem ti September 20 dagiti naduma-duma nga ahensya pakairamanan ti provincial veterinary office ken provincial government ti Ilocos Sur tapnu mapagpapatangan iti isyu ti African swine Fever.
Dagiti nasao nga ahensya a mangidaulo iti nasao a taripnong kadagiti agtartaraken ti baboy ket isu ti kas ti National Meat Inspection Service, Bureau of Animal Industry ken Department of Agriculture.
Trataren dagiti nasao nga ahensya iti agraraisa nga ASF iti sumagmamano a paset iti pagilian ket uray nu awan iti kaso ti ASF ditoy probinsiya, masapul nga agatendar dagiti agtartaraken iti baboy tapnu mailawlawag kadakuada ti epekto ti nasao a sakit ti baboy.
Malaksid iti dayta, maisayangkat iti nasao a taripnong tapno mapabileg ti pwersa no inkaso a maapektaran ti ASF ti probinsia ken tapno matulongan dagiti agtartaraken ti baboy.
