Makumikom ni President Ferdinand Marcos Jr. iti umuna nga aldaw ti Hulyo para iti agsaruno nga aktibidadna a mangpatibker iti external cooperation, ekonomia ken seguridad iti pagilian.
Madamdama iti alas otso iti bigat, idauluan ti presidente ti panangipaay ti Order of Sikatuna Grand Cross (DATU), Gold Distinction ken ti panagsapata ni Maria Theresa Lazaro kas baro a secretary ti Department of Foreign Affairs idiay Malakanyang.
Dumar-ay pay ni Pres. Marcos iti maysa nga espeysl a Bell Ringing Ceremony tapno markaan ti panagbalin a linteg ti Capital markets Efficiency Promotions Act wenno Republic Act No. 12214 a mapasamak iti Philippine Stock Exchange Events iti Halls idiay Bonifacio Global City, Taguig iti alas nuebe iti bigat.
Gagem ti linteg a papigsaen ken pagbalinen nga efficient ti capital markets iti pagilian a manamnama a makatulong iti ad-adu pay a negosyante ken agpuonan.
Kalpasanna ket agderetso ti presidente iti panagrambak ti 78th Founding Anniversary ti Philippine Air Force idiay Villamore Air Base, Pasay City tapno ipakita ti suportar ti administrasyon iti Air Force a paset iti panangpapigsa ti national defense ken seguridad iti pagilian.
