VIGAN CITY – Tallo a lalaki nga agnaed idiay Brgy. Caterman, Candon City a mabilang a Top Most Wanted Person ti Provincial level iti nakemmeg gapu iti kasoda a panagrames.
Immuna a nakemmeg ti Top 2 most wanted person ti provincial level a ni Armando Gaoat, agtawen ti innem a pulo, naasawaan ken mannalon.
Maikadua ti top 3 most wanted person ti provincial level a ni Reynaldo Gaoat, agtawen ti limapulo ket dua, balo ken mannalon idinto a ti maikatlo a maibilang a top 4 most wanted person a ni Henry Palaso Dapitan, agtawen ti limapulo ket uppat, naasawaan, laborer.
Dagiti nasao a naakusaran ket agpapada a naiserbian ti warrant of arrest babaen ti inruar ni Hon. Emmylou Valois Rubang-Mangasar, Presiding Judge of Family Court Branch 8, Candon Citya napetsaan idi January 11, 2022.
