Kinumpirmaran ti Police Regional Office-9 Critical Incident Management Task Group iti pannakakemmeg dagiti tallo a suspek ken pannakabigbig iti tallo a mapapati a nainaig iti pannakadukot ni US National Elliot Eastman, dua a lawasen iti napalabas.
Segun ti grupo, impilan dagiti polis iti criminal complaint kontra kadagiti innem a principal suspek iti Provincial Prosecutor’s Office idiay Sindangan, Zamboanga del Norte gapu iti kidnapping ken serious illegal detention.
Impila pay dagiti otoridad iti isu met laeng a kaso kontra kadagiti saan a nabigbig a suspek kas accessories iti krimen.
Nakemmeg dagiti suspek babaen ti task group iti pannakikammayetda iti National Intelligence Coordinating Agency (NICA), National Bureau of Investigation-Western Mindanao Regional Office, Armed Forces Western Mindanao Command, ken ti Philippine Coast Guard.
Agtultuloy met latta iti manhunt operation kadagiti dadduma pay a kakadua dagiti suspek.
