Insaludsod ni Suspended Bamban, Tarlac Mayor Alice Guo kadagiti agpampanday linteg nu apay a kasla parikotda isuna ket nakasagana met a mangsango kadagiti alegasyon kenkuana iti patas a trial ken husto a forum.
Innaganan ni Guo da Senador Risa Hontiveros ken Senador Sherwin Gatchalian ket kiniddawna nga agpokusda kadagiti issues a kas ti kurang a taraon ken health care imbes a ti pammutbuteng kenkuana a makemmeg.
Kinuna a sisasagan a sumango iti fair trial ken proper forum nu adda ebidensyadan.
Insaludsodna pay nu isu ti kadakkelan a parikot iti pagilian nu apay a masapulda a pokusan wenno kayatda laeng nga agpammarang a kontrabida.
Iti agdama ket suspendido ni Guo iti posisyonna gapu ti mapapati a nakainaganna nga illegal activities a naraid a POGO idiay Bamban.
