Nagbalin nga emosional ni Senadora Pia Cayetano kalpasan ti statement ni Senador Risa Hontiveros a kasla awan ti napasamak mainaig iti panagpaputok ti paltog iti Senado.
Segun ken ni Cayetano, nasakit para kadakuada ti nadakamat nga statement gapu ta para kadagiti adda iti Senado ket narikna da ti nakaro a panagbuteng.
Nupay kasta, awan ti pabpabasolen ni Senador Cayetano iti napasamak nga insidente ngem nasakit laeng para kenkuana ta awan man laeng ti dagus a nangdamag ti kasasaadda manipud iti dati a grupo na iti majority bloc.
Inlawlawag ni Senador Risa Hontiveros a ti statement na mainaig iti insidente iti uneg ti Senado, kasaruno ti nagbalin a reaksion ni Senador Cayetano.
Segun ken ni Hontiveros, maawatanna ti narikna ken kapadasan dagiti pada na a senador ngem ti punto na ket dak-dakamaten na ti agdama a sitwasion kalpasan ti insidente.
Pinasingkedan ti senador a ti statement na ket saan a nakapokus iti personal a rikna dagiti kadua na iti Senado ngem institutional a takder ti Senado.
