Impila ni Senador Risa Hontiveros ti resolusion a mangted pammigbig kadagiti Senate reporters wenno media a nag-cover iti shooting incident idi May 13.
Iti Senate Resolution 400 ni Hontiveros, nakiddaw a maikkan ti commendation ti Senate media para ioti kinatured ken professionalism-da iti panag-cover iti shooting incident.
Nailanad iti resolusion ti tallo a minutos a panagpaputok iti paltog a gappuanan iti panagpanic, saan laeng kadagiti empleado iti Senado ta uray kadagiti miembro iti media nga adda iti uneg iti pasdek a nakapasamakan iti insidente.
Nakalanad pay iti tallo nga aldaw a panag-cover dagiti media ti standoff iti nagbaetan dagiti otoridad ken ti senate leadership maipanggep iti kustodiya ni Senator Ronald “Bato” dela Rosa.
Iti baet ti peggad iti uneg ken ruar iti pasdek, impakita ti kinatured ti senate media ken agtultuloy a panag-c0over iti right to information iti publiko.
