Nakemmegen ti suspek iti pannkatay ni Marites Cutamora, agtawen ti uppat a pulo ket siam, maysa a gwardya ken agnaed iti Tamag, Vigan City babaen iti picture a naala dagiti pannakabagi ti linteg iti naka-chatna nga Indian National.
Inamin ti suspek a ni Ferdinand Palacpac Palaganas, agtawen ti tallo pulo ket uppat nga agnaed idiay San Isidro, Bantay iti inaramidna a krimen ken ti nobyana a ni Cutamora.
Nagkuyog pay laeng ni Cutamora ken Palaganas iti karabianna agingga nagawid ti suspek iti pagtaenganda ngem idi pumarbangon ket nagsubli nga isu ti gundawayna a nangpatay iti biktima gapu iti mapapati nga imon agsipud ta adda ka-chat ti biktima nga Indian national.
Dos por dos iti pinangmalo ti suspek ken getteng ti pinangputedna iti urat ti tengngedna.
