Karaman nga innaganan ni Ramil Madriaga ni Michael Yang iti impeachment proceedings iti House Committee on Justice ta mapapati a nangted ti pondo iti panagkandidato ni Vice President Sara Duterte.
Inamin ni Madriaga a karaman isuna a nangiyetnag ti “Inday Sara is My President” (ISIP) a mapapati a sinuportaran dagiti gagayyem ni dati a Pres. Rodrigo Duterte.
Karaman daytan da Lin Wei Xiong a financial officer ti Pharmally Pharmaceuticals a mangsupsuplay iti mapapati nga overpriced medical kits idi covid-19 pandemic nga inimbestigaran ti Senado.
Segun ken ni Madriaga, isuna ti personal nga immawat ti P175 million cash manipod ken ni Lin idi 2021 iti basement parking iti maysa a hotel idiay Quezon City.
Nangted pay ti P100 million ken ni Maestrado Lim a maysa a gangannaet a negosyante a naam-ammona idiay Davao City.
Nawaswas laeng ti ISIP gapu idi September 29, 2021 ket pinasingkedan ti bise presidente a saanen a tumaray a presidente ta immanugot nga agbalin a vice president ni Pres. Ferdinand Marcos.
No pay kasta ket inaramatna latta ti ISIP iti panagkandidato ni Duterte kas bise presidente idi 2022.
Ni Yang ket dinutokan ti dati a presidente nga economic adviser-na ngem mairamraman iti illegal a droga iti pagilian ken uray ti Pharmally scandal ken Philippine Offshore Gaming Operators operation.
