VIGAN CITY – Nagkiddaw ti pammakawan dagiti suspek a bimmagkong kadagiti tallo a lallaki a kalugaranda idiay Sitio Palabi, Barangay Mabilbila Sur, Santa, Ilocos Sur.
Dagiti suspek ket da Reymar Bajet, agtawen iti tallopulo ket pito, mangngalap nga agnaed idiay Barangay Mabilbila Sur kaduana ti kayongna a ni Rey Ablog idinto a dagiti biktima ket da Leonardo Balallo Alves, agtawen iti uppat a pulo ket pito, mannalon; Marvin Advincula Bagorio, agtawen iti duapulo ket uppat, construction worker; ken maysa a lalaki nga agtawen iti sangapulo ket innem.
Iti pannaki-uman ti Bombo Radyo Vigan ken ni Bajet, awatenna ti pannusa kenkuana ngem agkiddaw ti pammakadawan kadagiti nabagkongna.
Segun kenkuana, mapan laeng koma aganawa ngem saanna a napuotan a nagasot gayamen ti kutsilyo nga isu ti inwasawasna a gappuanan ti pannakadunor dagiti biktima.
VIDEO – REYMAR BAJET
Pinasingkedan ni Rey Ablog a saan a dagiti biktima ti pabpabasolenna ti panagpukaw dagiti uppat a manokna ngem isu ti nagrugian ti panagbibinnatoda iti masetas.
Aminado a naisaritana ti “maysa la a buli ti katapatyo” ngem angawna laeng dayta kadakuada ket saanna a paypaysoen ngem napasamak metten ti panagbibinnatoda.
VIDEO – REY ABLOG
Imbingay met ti maysa kadagiti nakaimatang a ni Jaeya Benavidez Obrero a nagsisinnao pay nga immuna dagiti dua a grupo sakbay a napasamak ti innubor agingga a nakitana laengen ti suspek ken kaduana a napan nagbagkong kadagiti biktima.
VIDEO – JAEYA OBRERO
Kabayatanna, pinasingkedan ti maysa a kameng ti pamilia dagiti dua a biktima a natalgeden ti ama ken kabsatna ngem agkakapsot latta ti amana idinto a manamnama a rumuar ita nga aldaw ti kabsatna ken ti maysa pay a biktima.
AUDIO – PUTOT TI MAYSA KADAGITI BIKTIMA
