VIGAN CITY – Sapsapulen pay laeng dagiti otoridad ni Edmer Jhun Molina, a taga Barangay San Isidro Candon City gapu iti panag takaw na iti pagtagilakwan a kukua ni Jeffrey Raiz, agtawen ti tallo pulo ket uppat a taga Barangay Tamurong 2nd Candon iti wet market idiay Barangay San Nicolas iti nasao a syudad.
Segun ken ni Police Lt. Col. David Dulnuan, hepe ti Candon City police station, napan iti istasyon da ti biktima ta nakita na iti CCTV footage nga innala ti suspek ti bag a naglaon ti barya nga umabot ti tallo ribo a pisos ken tallo a rim iti sigarilyo nga aggatad ti tallo ribo a pisos.
Ti sabali a bangir, nakemmeg ni Kris Alfred Santos agtawen ti dua pulo taga Barangay Poblacion Quirino gapu iti panang hold up na kada Amado Dionisio, agtawen ti dua pulo ket pito; Bernadette Statilla, agtawen ti dua pulo ket uppat ken ni Kimberly Imatong, agtawen ti dua pulo ket dua a dagitoy ket agpapada a taga Caba, La Union.
Maibasar ti testimonya dagiti biktima, napan ti suspek iti stall da ket inpaturong na kadakuada ti maysa a pistol sa na indeklerar ti holdup ket innala da ti sangapulo ket uppat a ribo a pisos ken dua a celphone nga aggatad ti sangapulo ket walo ribo a pisos.
