--Ads--
Inaprubaranen ti kamara iti maikatlo ken maudi a pannakaibasa ti gakat a mangiyatiddug iti validity ti Professional Regulation Commission identification card iti lima a tawen manipud iti tallo a tawen.
Babaen iti 266-0 a botos ken maysa nga abstention vote, inaprubaran ti kamara ti gakat a ti gagemna ket kissayan ti kanayon a panagpa-renew dagiti professional ken kissayan ti red tape iti gobierno.
Segun ken ni House Majority Leader ken Ilocos Norte Rep. Sandro Marcos, ti panawagan ket sungbat iti kiddaw dagiti propesyonal a padarasen ti renewal ti lisensiada.
Innayon pay ni Marcos a maksayan ti gakat ti panagsisinneksek iti PRC renewal systems ken ti appointment slots para kadagiti ag-renew.
-- ADVERTISEMENT --
