Nabilin ti Philippine National Police ken National Bureau of Investigation a kemmegen ni Senador Ronald ‘Bato’ Dela Rosa.
Iti maysa a press briefing, kinumpirmaran ni Department of Justice Secretary Frederick Vida a pugante ni Senador Bato ken nasken a maipan iti International Criminal Court tapno sangwen dagiti kaso kontra kenkuana.
Segun iti DOJ official, daytoy ket kas maisurot iti inruar ti ICC a valid arrest warrant.
Ni Dela Rosa ket nainaganan kas maysa kadagiti co-perpetrator iti kaso a crimes against humanity gapu iti mapapati a rinibo a napapatay iti salinong ti kampania kontra iligal a droga ti Duterte administration.
Kinumpirmaran pay ti DOJ nga adda aplikasion para iti Interpol red notice kontra ken ni dela Rosa.
Impaganetget ni Vida a valid ken enforceable ti warrant of arrest nga inruar ti International Criminal Court kontra iti senador.
