--Ads--
Impaganetget ti Malakanyang a lehitimo ken naggapu iti Senado ti CCTV footage a nakaipakitaan ti timeline ti gun related incident iti Senado idi Mayo 13, 2026.
Dayta ket kalpasan ti panangibaga ni suspended Sergeant-at-Arms Mao Aplasca nga “spliced” wenno napagsisilpo dagiti video footage.
Segun ken ni Palace Press Officer Usec Claire Castro, ti footage a nairuar iti media briefing ti Presidential Communications Office ket naggapu iti Senado.
Innayonna pay nga ania man a nayon nga ebidensia ket mabalin a kitaen ti Department of Justice, Department of the Interior and Local Government (DILG), ken Office of the Ombudsman tapno mabukel ti kinapudno iti napasamak.
-- ADVERTISEMENT --
