--Ads--
VIGAN CITY- Ad-adu pay ngem ti masapul a bakuna kontra ti kamuras ti suplay ti Ilocos Sur Provincial Health Office kas pinasingkedan ni Dr. Carmeliza Singson.
Segun ken ni Provincial Health Officer Dr. Singson, awan iti pagdanagan dagiti nagannak inaig ti panagraira ti kamuras ditoy pagilian ta ditoy probinsiya ket nainget ti monitoring da kadagiti nagkamuras.
Saan a kas iti sabali a probinsiya ditoy Region 1, lima laeng ti nagkamuras ditoy probinsiya, dua idi napalabas a bulan ken maibasar iti kaudian a rekord da idi napan a lawas ket tallo pay laeng ti kaso ti kamuras itatta a bulan.
