Naituding a mapasamak inton January 19 ti panagdenggeg iti Blue Ribbon Committee maipanggep ti anomalia ti flood control projects.
I-subpoena ti komite dagiti dati a naimbitaran ngem saan a dimmar-ay iti panagdenggeg pakairamanan da dati a DPWH Secretary Manuel Bonoan, dati nga Undersecretary Trygve Olaivar ken Meynard Ngu karamanen ni dati a Rep. Elizaldy Co.
No kas bilang saanda pay laeng a dumar-ay ket irekomendar ni Senate President Pro Tempore Panfilo Lacson iti Senate President ti pannakairuar ti warrant of arrest kontra kadakuada.
Kinuna ni Lacson a kayatna a lawagan iti Department of Budget and Management (DBM) ken ti Office of the Executive Secretary no kasano a nairuar ti maysa nga Special Allotment Release Order a nangted dalan iti pannakairuar ti P50 billion manipod iti unprogrammed appropriations iti budget idi December 27, 2024.
Innayonna a posible nga imbitaran ti komite ni Rep. Leandro Leviste babaen ti liderato iti Kamara no umanamong.
