VIGAN CITY – Im-imbestigaranen ti Department of Agriculture (DA) ti mapapati a panagkikinnunsabus dagiti sumagmamano nga opisyal iti ahensya ken dagiti importers iti karne nga awan permit na.
Ti pannaki- uman ti Bombo Radyo Vigan ken ni Agriculture Secretary William Dar, naibaga na nga adda dagiti gundaway nga adda dagiti makumkumpiskar a karne ta awan ti veterinary health certificate na.
Itay kallabes laeng ket adda dagiti sumagmamano a tonelada iti nailibas a karne nga innala ti National Meat Inspection Service idiay Manila a mapapati a naggapu pay idiay China ken Brazil.
Immunan nga inbaga iti opisyal idi katugtugaw na iti puwesto a mangipatungpal isuna ti one strike policy kadagiti opisyal ken empleyado ti ahensya a mairaman iti isyu ti iligal a droga ken aniyaman a klase ti anomaliya ken kurapsyon.
