Sumagmamano nga agpanpanday-linteg ti mangidurduron iti congressional investigation kadagiti kaso nga adda pakainaiganna dagiti polis gapu iti war on drugs ti administrasion ni dati a Presidente Rodrigo Duterte.
Segun kenni Rep. Dan Fernandez, co-chair ti Quad Committee, adu ti nababa ti ranggona nga opisial ti maipaspasango iti legal repercussions gapu kadagiti tignay nga ibagbagada nga imbilin dagiti superiorda.
Pinagduaduaan pay ni Fernandez no siasino ti timmulong kadagiti nga opisial, gapu iti public statement ni Duterte nga isu ti makinresponsibilad ti nagbalin nga epekto ti war on drugs.
Bayat ti nabiit pay a pannakadengngeg ti kaso ti QuadCom, natakuatan a nasurok a 1,200 nga opisial ti polisia ti naapektaran iti trabaho na kabayatan ti war on drugs, ta ginasut ti natay ken nadundunor, ken adda pay 200 officers ti sumangsango ti criminal charges.
Kabayatanna, maseknan met ni Rep. Robert Ace Barbers iti rigat a sangsanguen dagiti opisial gapu kadagiti legal cost.
Kinuna pay ni Barbers a naliputan dagiti opisial gapu ta nangnamnama da ti suporta kadagiti tignay a naaramid iti sidong dagiti direktiba ti gobierno kontra iti droga.
Inlawlawag met ni Rep. Bienvenido “Benny” Abante a panggep ti imbestigasion a tulongan dagiti opisial, partikular dagiti mayat nga agsao maipapan kadagiti naawatda a direktiba.
Nakasagana MET ti komite a tumulong kadagiti mayat a mangibingay kadagiti padasda.
Innalukkoy ni Fernandez dagiti apektado nga opisial nga umasideg ken mangibingay kadagiti istoryada kas paset ti panagimbestigar, ta maysada pay biktima ti war on drugs.
