VIGAN CITY – Maysa kadagiti banbantayan ti gobierno ti Nepal dagiti climbers nga agliblibas nga umuli idiay Mt. Everest tatta a panawen ti COVID19 pandemic kas pinasingkedan ni Bombo International Correspondent Fiona Mozar – Surkheti a taga – Bukidnon iti report na ti Bombo Radyo Vigan.
Segun ken ni Surkheti, ti nasao a banag ket paset iti addang ti Nepali government tapnu maliklikan iti panagwaras ti COVID- 19.
Malaksid iti dayta, nainget pay a maipatpatungpal iti panag-facemask nu rumuwar iti pagtaengan ken panangsurot ti social distancing nangruna nu aglugan kadagiti public transportation.
Dagiti matiliw nga aglabsing ti enhanced community quarantine ket kemmegen dagiti pannakabagi ti linteg ta maibaludda ti maysa aggingga dua nga oras ket dumngngeg da kadagiti pammagbaga kadakuada.
