Ipapaadal pay laeng ni Senate President Chiz Escudero ti subpoena nga ipatulod koma ni Senador Imee Marcos kontra kadagiti dua nga opisial ti military ken Department of Justice mainaig iti maim-imbestigaran nga isyu iti pannakakemmeg ni dati a Presidente Rodrigo Duterte.
Segun ken ni Escudero, pinermaanna ti subpoena a kiniddaw ti Senate committee on foreign relations nga idadaulwan ni Senador Imee kontra kada Lt. Gen. Arthur Cordura manipud iti PAF ken Prosecutor General Richard Anthony Fadullon manipud iti National Prosecution Service.
Inlawlawag ni Escudero nga adda dua a desisyon ti Korte Suprema a pinatibker ti turay ti Executive Department iti panagaramat iti executive privilege, saan laeng nga iti panangrisut kadagiti dadduma a saludsod no di ket uray ti kaaddada iti ania man nga imbestigasyon ti Kongreso.
Nangisayangkat ti komite iti imbestigasyon ngem awan ti dimmar-ay uray maysa nga opisial ti gabienete wenno military kas maisurot iti suray nga impatulod ni Executive Secretary Lucas Bersamin ken ni Senador Marcos.
