Nakemmeg ti maysa nga street level individual iti naisayangkat a buy-bust operation idiay ili ti Banayoyo.
Ti suspek ket agtawen ti duapulo ket tallo, unemployed ken residente ti nadakamat nga ili.
Iti pannakiuman ti Bombo Radyo Vigan ken ni PCAPT. Medward Galay, ti suspek ket datin a drug surrenderee ngem insubli na dagiti aktibidad iti illegal a droga a rason ti pannakatiliw-na.
Ti drug evidence a nakompiskar ket 0.58 a gramo ti mapapati a shabu nga aggatad ti P3, 944 a nakaikabil iti tallo a piraso ti heat sealed plastic sachets.
Dagiti met non-drug evidence ket pakairamanan ti P500 genuine money, cigarette box, glass tube drug paraphernalia, chewing gum box, lighter, cellphone, ken motorsiklo.
Ti suspek ken dagiti naala nga ebidensia ket addan iti kustodiya ti Banayoyo Municipal Police Station para ti imbestigasion ken proper disposition.
