VIGAN CITY – Maipatungpal ti special lane a pagdalanan dagiti delivery truck a sumrek iti Vigan City kas pinasingkedan ni Mayor Juan Carlo Medina tapno saan unay a nadagsen ti panagserrek dagiti dadduma pay a lugan.
Iti pannaki-uman ti Bombo Radyo Vigan kenni Medina, ikagumaanda latta ti mangpasayaat kadagiti pagannurotan iti masakupan ket ti nasao a banag ti maysa kadagiti napanunotan ti Inter-Agency Task Force agsipud ta dagiti delivery truck ti pakataktakan dagiti city officer ta masapulda pay laeng iti umuli a mang-check kadakuada kas ti panangidalanda kadakuada iti thermal sacnning.
Gapu iti dayta, idiay Quirino Blvd. ti pagdalananen dagiti delivery truck ken pangkitaan dagiti opisial kadagiti requirements-da sakbay a makastrekda iti siudad.
Kabayatanna, nabilin met ti Municipal Social Welfare Office ken dagiti kameng ti PNP a tumulongda para iti information campaign tapno ammo met laeng ti kaaduan dagiti pagannurotan iti pannakaisakup ti probinsia iti general community quarantine.
