--Ads--
Pinasingkedan ni Senate President Vicente “Tito” Sotto III nga awan ti plano ti Senate Majority nga ited ti kina – Senate President ken senador Loren Legarda tapno maliklikan ti ‘coup’ gapu ta awan ti naan-anay a bilang ti botos tapno mapababa ti agdama a liderato ti senado.
Segun ken ni Sotto, idi pay laeng rugi ket nalawag nga awan ti naan-anay a bilang tapno masukatan ti panangidaulo ti senado.
Inlawlawag pay ti opisial a tapno mapababa ti maysa a Senate President ket agkasapulan ti sangapulo ket tallo a botos nga adda nakasurat a commitment, saan a verbal laeng.
Impakaammo pay ni Sotto a narigat ti kari a panagbaliw ti liderato no awan ti nalawag a dokumento a mangsuporta.
-- ADVERTISEMENT --
