Pinabileg ti Department of Social Welfare and Development ti karida a suportaran dagiti solo parent iti intero a lubong.
Segun ken ni Assistant Secretary Ada Colico ti DSWD Statutory Programs, ti addang ket babaen kadagiti benepisyo a maala iti salinong ti Republic Act 11861 wenno ti Expanded Solo Parents Welfare Act.
Inlawlawag ni Colico a karaman kadagiti napateg a probisyon ti linteg dagiti solo parent a makapaspastrek iti P250,000 iti tinawen.
Adda pay karbenganda iti 10 percent discount ken VAT exemption kadagiti dadduma a pagkasapulan ken produkto kas ti agas, medical supplies, diaper ken gatas dagiti ubbing.
Karbengan pay dagiti solo parent ti parental leave, malaksid laeng iti leave privileges iti salinong ti maipatpatungpal a linteg ken ti iseserrekda iti pagubraan.
