Impaganetget ni House Deputy Majority Leader ken ACT-CIS Partylist Rep. Erwin Tulfo ti pannakasimpa ti Solo Parent Law wenno Republic Act 11861.
Impaganetget ni Tulfo a gagem nga amyendaran ti linteg a masolbar dagiti parikot iti implementasyonda tapno masigurado a maipaay dagitoy a bilin kadagiti benepisyaryo kadagiti solo parent.
Ti addang ket mensahe ni Tulfo kasaruno kadagiti reklamo a kurang, delayed wenno awan a naited a P1,000 a monthly allowance kadagiti solo parent ken uray ti diskwentoda iti grocery items ket saan a naipatungpal.
Iti agdama ket nakaipasidong kadagiti local government iti panangipatungpal ti linteg ngem segun ken ni Tulfo, saan nga ammo dagiti dadduma a Local Government Units nu pagalaan iti pondo para iti solo parents.
Idurduron ni Congressman Erwin Tulfo nga alaen laengen iti national government ti pondo iti panangted ti allowance kadagiti marigrigat a solo parents.
