Imballaag ni Tri-Committee Overall Chairman ken Laguna Representative Dan Fernandez a posible a patulodanda ti subphoena wenno i-contempt iti Tri-Committee dagiti digital influencers a saan a sumurot iti show cause orders.
Inton madamdama iti oras ti alas nuebe y media iti bigat a nakaituding ti maikadua a panagdenggeg ti House Tri-Committee mainaig iti panagraira ti fake news ken disinformation nangruna iti social media.
Karaman a mapagpapatangan kadagiti show cause order nga inruar ti Tri-Committee iti tallopulo ket walo a social media personalities ken vloggers a napaay a dimmar-ay wenno naigagara a saan a dimmar-ay iti umuna a hearing idi February 4.
Impaganetget ni Fernandez a saanda a kalikagum a lapdan ti kinawaya nga agpadamag ngem dakkel iti nagdumaanda iti panagwaras ti fake news tapno lokwen iti publiko ken dadaelen dagiti institusyon.
Karaman a maimbestigaran iti panagdenggeg dagiti opisyal wenno mangibagi dagiti ahensya iti gobierno, kangrunaan a social media platforms, legal experts ken media organizations.
