Mangipaay ti gobierno iti P60 kada aldaw a wage subsidy kadagiti small and medium enterprises a marigatan a mangipatungpal iti baro a minimum wage increase.
Segun ken ni Palace Press Officer Claire Castro, naituding a mangirusat ti Department of Labor and Employment iti Sagip Trabaho Program tapno maliklikan ti pannakaikkat dagiti empleado ken panagrikep ti babassit a negosio.
Agpaot ti ayuda iti tallo a bulan a ti sakupna ket Oktubre, Nobiembre, ken Disyembre.
Tapno agbalin a kwalipikado, kasapulan a mangipasa dagiti negosio ti Department of Trade and Industry (DTI) certificates, financial records, ken listaan dagiti empleado iti online portal wenno DOLE regional offices.
Kabayatanna, mangiruar ti DOLE iti pakabuklan a guidelines para iti programa ita a lawas.
