--Ads--
VIGAN CITY – Mangrugi inton August 15 ket agawat manen ti Vigan City kadagti agawid a residente ken dagiti locally stranded individuals nga aggapu kadagiti nadumaduma a lugar ditoy pagilian.
Tapno maipasigurado ti kaadda dagiti isolation room kadagiti quarantine facilities ket kasapulanen ti Certificate of Acceptance sakbay a makastrekda iti pasilidad.
Nupay kasta, kiddawen ni Mayor Juan Carlo Medina kadagiti Locally Stranded Individuals nga ikompletoda dagiti amin a dokumento tapno naur-urnos ti panagawidda ken saanda a mataktak.
Malaksid ti dayta, rumbeng a makikammayetda iti City Health Office sakbay nga iyischedule-da ti biahe tapno masaganaan dagiti facility a pagtalinaedanda ditoy siudad.
-- ADVERTISEMENT --
