Imposible pay laeng nga agturong iti ‘political crisis’ ti sitwasyon ita ti pulitika ti pagilian kalpasan dagiti insawsawang ni Vice President Sara Duterte kontra iti Marcos administration kas pinasingkedan ni Atty. Henry Michael Yusingco.
Iti pannaki-uman ti Bombo Radyo Vigan ken ni Yusingco, adayo nga agbalin a krisis daytoy iti pulitika agsipud ta saan met a makibibiang ni Presidente Ferdinand Marcos Jr kadagiti insawang ti bise presidente, no di ket itultuloyna laeng ti panagserbina.
Ngem kunana a no man bilang makibibiang manen, isu ti nakaam-amak para kadagiti Pilipino ta amangan no mabaybay-an dagiti lider ti pagilian ti pudno a trabahoda para kadagiti umili.
Innayonna nga awan ti rason tapno agbalin a ‘defensive’ ti presidente ta isuna met ti adda iti turay ken awan ti nagbalin a kwestyon iti panangabakna kas presidente.
Malaksid dayta ket sipupuso met nga inawat pay isuna ti international community.
