Pinasingkedan ti Malakanyang a bassit laeg iti manamnama nga epekto ti ekonimia iti Pilipinas iti gakat a buwis iti Amerika kadagiti remittance ti foreign workers pakairamanan dagiti overseas Filipino workers.
Segun ken ni Palace Press Officer ken Presidential Communications Undersecretary Claire Castro, maibasar iti patta ti Department of Finance, 20% laeng iti 4.4 million a Pilipino idiay Amerika iti mabalin a maapektaran ti gakat a buwis a 3.5% iti remittance nu kas bilang agbalin a linteg ken ipatungpal manipod January 1, 2026.
Numan pay 41% iti pakabuklan a remittances iti dumaldalan iti Amerika, inlawlawag ni Castro a saan nga amin ket nagtaud kadagiti OFW iti nasao a pagilian ta maar-aramat laeng dagiti bangkoda kas routing channel.
Mapatta-patta nga umabot iti $100 million ti possible a maikissay ti remittance manipod iti projected a $36.5 billion inton 2026 a katukad iti 0.003% a panagbaba iti GDP.
Kabayatanna, aminado iti Malakanyang a possible a mariknanto dagiti pamilia a mangnamnama iti patulod manipod Amerika ket nu maipatungpal iti buwis ket agbalin a $96.50 laengen iti makaawat iti tunggal iti $100 nga impatulod iti OFW.
