VIGAN CITY- Mangpulpulitika ti makitkita a rason ti National Federation of Transport Cooperative nu apay a maisingsingasing iti gobierno ti temporaryo a pannakasuspenso ti PUV Modernization Program.
Iti pannaki-uman ti Bombo Radyo Vigan ken ni Chairman Misael Melinas, National Chairperson ti National Federation of Transport Cooperative (NFTC), tunggal umadani ti eleksyon ket kanayon a maisanod ti programa para laeng iti bukod nga interes dagiti politiko.
Innayonna nga iti naudi a naiyuswat a senate hearing ket saanda pulos a naikkan ti gundaway nga agsao no di ket mas nagpokus dagiti agpanpanday linteg kadagiti grupo a saan a sumursurot iti programa.
Inyunay-unayna nga umaboten iti 83.38% ti nakapagcomply iti modernization program ken isudan ti maibilang kuman a majority ngem dina maawatan nu apay a kasta ti mapaspasamak.
Gapo iti dayta, mangiyuswatda ti press conference inton bigat, aldaw ti Biernes iti alas dies ti bigat tapno ipakaammo ti karirikna da manipud iti Metro Manila Region 2,3 ken 4.
Kasta pay a mangiyuswatda ti unity walk inton Lunes iti naduma duma a parte iti intero a pagiian.
Innayonda a ti pannakadismayada a kasla mapan laeng iti awan kaes-eskana dagiti nagbalin nga addang dagiti consolidated entities a nagtalek ken simmugal iti programa a ti gagemna laeng ket saan laeng a tapno imodernize dagiti jeep nu diket pasayaaten ti sistema ti panangpataray dagiti traditional units.
Panawaganda iti Presidente a denggen ida ken ituloy ti programa
Maipalagip nga indekara ni Pres. Marcos ti pannakaleppas ti consolidation idi December 31 idi napan a tawen ngem naextend agingga iid April 30,2024
