--Ads--
VIGAN CITY – Nasarakanen idiay Brgy. San Lucas, Magsingal ti side car iti traysikel a mapapati a natakaw ken kukua ni Melchor Ragasa, agtawen ti tallopulo ket walo, construction worker ken agnaed idiay Brgy. Cabittaogan, Sta. Catalina.
Impakaammo ni Lazaro Udasco, agtawen ti limapulo ket innem, mannalon ken agnaed idiay Brgy. Sarsaracat, Magsingal kadagiti pannakabagi ti linteg nga adda nagatangna a side car ken ni alyas Makmak idi March 13 idiay Brgy. Salindeg, Vigan City
Ti nasao a side car a nagatang ni Udasco ket isu ti side car iti tricycle ni Ragasa.
Agtultuloy iti pannakikinnammayet dagiti pannakabagi ti linteg kadagiti sabali pay a police station para iti naal-alisto a pannakarisut ti nasao a banag.
