Pormalen a lineppas ti Senate Impeachment Court ti pre-trial conference maipanggep ti impeachment trial ni Vice Pres. Sara Duterte.
Nagyaman ni Senate Secretary Renato Bantug Jr. a clerk of court iti impeachment court kadagiti miembro ti prosecution ken defense teams gapu iti kooperasyonda a nagresulta iti napaspas a panagleppas ti pre-trial conference iti uneg laeng iti lima nga aldaw.
Indauluan ni Batangas Rep. Gerville Luistro ti prosecution panel manipod House of Representatives idnto a ni Atty. Shiela Sison met iti nangidaulo ti depensa ni Vice Pres. Sara Duterte.
Agpadada a dinayaw ti amin a partido a timmulong tapno mapadaras ti proseso.
Ti panagleppas ti pre-trial conference ket nangted dalan para iti panaglukat ti actual a trial iti impeachment case kontra ken ni Vice Pres. Sara Duterte kadagiti sumarsaruno nga aldaw.
