Inladawan ni Atty. Shiela Sison, lead defense counsel ni Vice President Sara Duterte, kas “unbelievable and unacceptable” ti nagbalin nga statement ni House lead prosecutor Gerville Luistro nga adda pay ti sabali a plataporma ti depensa tapno ibingay ti panig ti bise presidente.
Segun ken ni Sison, saan a nainkalintegan nga ibaga iti respondent a mabalin da laengen nga aramaten ti dadduma a plataporma kalpasan nga inlanad ti prosekusyon iti uneg ti tallopulo ket walo nga aldaw dagiti testigo ken dokumento, a segun iti depensa ket mabalin a makadadael iti reputasion ni Duterte.
Impaganetget ni Sison a saan a naan-anay nga ibaga para iti publiko ken tapno mapadaras ti trial ti panag-withdraw ti prosekusyon iti tallo nga articles of impeachment kalpasan a maidatag dagiti pammabasol ken ebidensia.
Innayon ti abogado nga adda iti prosekusyon ti decision no kasano da nga ituloy ti kaso, ngem ituloy met ti depensa ti strategy da a ti panagkita da ket husto.
