Impaganetget ni Senate President Pro Tempore Panfilo Lacson a korapsyon iti kadakkelan a karit iti siasinoman a kayatna a mangidaulo iti pagilian.
Dayta ket iti baet iti dandanin nga eleksyon ken panangideklarar iti dadduma maipanggep iti panagkandidatoda iti 2028 elections.
Segun ken ni Lacson, sakbay a malpas iti panagakemna iti gobierno inton June 2031 ket mangnamnama nga agtalinaed iti husto para iti pagilian kadagiti sumarsaruno a dekada.
Patienna a ti korapsyon iti kangrunaan a lapped iti pananggun-od iti naregta nga ekonomia ken panagdur-as a rumbeng kadagiti Pilipino.
Pinasingkedan ni Lacson dagiti nasao a banag kalpasan nga impakaammo ni Vice President Sara Duterte idi February 18 ti kalikagumna a kumandidato iti kinapresidente inton 2028.
Innayonna nga adda karbengan ti tunggal Pilipino a kualipikado iti salinong ti konstitusyon nga agpaidasig iti aniaman a mabotosan a posisyon.
