Napilaan ti ethics complaint ni Senator JV Ejercito iti Chairman ti Senate Committee on Ethics and Privileges.
Ni Atty. Eldridge Aceron iti nagipila ti reklamo kontra ken ni Ejercito iti gross neglect of constitutional duty gapu iti saanna a panagtignay iti naipila nga ethics complaint kontra ken ni Sen. Chiz Escudero.
Maipalagip a napilaan idi October ti ethics complaint ni Escudero maipanggep ti panagawatna ti P30 million campaign donation manipod iti maysa a kontratista iti Department of Public Works and Highways (DPWH).
Naibaga iti complaint a 109 nga aldaw manipod idi naipila iti reklamo kontra ken ni Escudero ngem awan pay iti tignay agingga ita iti Senado.
Nakailanad iti reklamo ni Aceron a no saan a kayat ket adda iti rason ken no kayat ket adu iti wagas.
Inlawagan met ni Ejercito a saanna a mabalin a tignayan ti ethics complaint kontra ken ni Escudero ken dadduma pay a senador ta saan pay nga isuna iti napili nga ethics committee chairman ken awanan pay uray maysa a miembro.
