Impasigurado ni Sen. Erwin Tulfo nga agtultuloy iti trabahona iti baet ti naipila a quo warranto petition kontra kenkuana iti maysa a disbarred nga abogado iti Senate Electoral Tribunal (SET).
Maipalagip a kinumpirmaran ti SET nga adda quo warranto petition a naipila kontra ken ni Tulfo idi July 15, 2025 gapu iti panangkwestyon iti nationality-na ngem saan pay a naituding ti panagdenggeg maipanggep ti nasao a banag.
Ti petisyon ket impila ni Berteni Causing a namin-anon a nagipila iti disqualification case kontra ken ni Tulfo idi panawen ti kampania.
Segun ken ni Tulfo, saanna a nakakigtotan ti baro a petisyon kagiddan ti panangipaganetget nga amin nga immuna a kaso a naipila kontra ken ni Causing ket naibasuran.
Kinunana a binotosan isuna dagiti umili tapno agserbi ket dayta iti agtultuloy nga araramidenna.
